Алматыда базарлар мен мейрамханалар қашан ашылады

АЛМАТЫ. ҚазАқпарат - Алматы қаласының әкімі Бақытжан Сағынтаев қалада көлік жуу, мейрамханалар мен сауда орталықтары қашан ашылатынын айтты, деп хабарлайды ҚазАқпарат тілшісі.

«27 сәуірден бастап біз басқа секторларға көшеміз. Алдағы дүйсенбіде көлік жуу, шинимонтаж және кеңсе техникасын жөндеу орталықтарын ашамыз деп ойлағанбыз. Бірақ белгілі бір себептермен 27 сәуірге қалдырдық. Сондай-ақ, кір жуатын, химиялық тазартқыш орындары мен үйдің жанындағы шағын дүкендерді қарастырамыз. Алайда адам көп жиналатын ірі сауда орталықтары, сауда үйлері, үлкен азық-түлік дүкендер мен мейрамханалар мамыр айының ортасына дейін карантиндік режимде болады»,– деді Бақытжан Сағынтаев бейнеконференция барысында.