Алматыда банктердің біріне қарақшылық шабуыл жасалды

АЛМАТЫ. ҚазАқпарат – Алматыда банк бөлімшесіне шабуыл жасалды, деп хабарлайды ҚазАқпарат тілшісі.

Алматы қалалық Полиция департаментінің хабарлауынша, оқиға 15 қазан күні болған.

«Алматыда қаруланған екі қарақшы Kaspi.kz филиалына шабуыл жасады. Жұмыс күні аяқталуға жақын қалғандықтан, банк бөлімшесінде клиенттер болған жоқ. Белгісіз адамдар банк қызметкерлерін қарумен қорқытып, алдын ала мәліметтер бойынша 2 млн теңгені алып кеткен. Абырой болғанда, қызметкерлердің ешқайсысы зардап шеккен жоқ. Полиция дабыл соғыла салысымен, көп ұзатпай келді.

Kaspi.kz қауіпсіздік қызметі құқық қорғау органдарымен бірлесіп әрекет жасауда. Қылмыскерлер табылып, заң бойынша жазаланады»,– деп хабарлады полициядан.