Алматыда балалардың жазғы лагеріне бюджеттен 270 млн теңге қарастырылуда
Спикердің сөзінше, мектеп жанындағы лагерь оқушыларды 1 маусымнан бастап қабылдайды. Балаларды қамту жасы 7-13 жас.
«Жоспар бойынша, мектеп жанындағы лагермен 26 мың бала қамтылады. Ол екі бағытта жүзеге асады. Тамақпен толық күн және тамақсыз жарты күн. Барлық оқушы үшін екеуі де тегін»,- деді Қайрат Жұманов.
Сонымен қатар ол балаларға арналған қалалық және қала сыртындағы жазғы лагерлер туралы айтты.
«Қала сыртындағы жазғы демалыс бюджет қаражаты есебінен, сондай-ақ коммерциялық негізде ұйымдастырылады. Сауықтыру демалысы, ең алдымен, халықтың әлеуметтік осал санатындағы балалармен қамтылатын болады: көпбалалы, аз қамтылған отбасылардағы, ерекше білім беруді қажет ететін балалар. Ол үшін бюджеттен 270 млн теңге қарастырып отыр. Бүгінгі күні конкурс жарияланды. Жалпы 33 мыңнан астам баланы қамту көзделген»,- деді спикер. Бұдан бөлек жазғы демалыс кезінде білім беру ұйымдарында барлығы 1200-ге жуық үйірме мен секция жұмыс істейтін болады.