Алматыда балалар Іле Алатауы паркін өртеп жібере жаздады

АЛМАТЫ. ҚазАқпарат – Жасөспірімдер Іле Алатауы ұлттық паркінің Түрген бөлімшесінде даланы өртемек болған, деп хабарлайды ҚазАқпарат тілшісі.

Ұқсас жаңалықтар

Нұр-Сұлтанда болған өрт кезінде 81 жастағы әйел зардап шекті

Елордада көпқабатты үйдегі өрттен 5 адам құтқарылды Алматы облысында өрттен қаза тапқандардың отбасына көмек көрсетіледі Алматы облысында анасы мен екі баласы үйімен бірге өртеніп кетті

«Іле Алатауы мемлекеттік мекемесі Түрген бөлімшесінің хабарлауынша, 27 қазанда Есік орман шаруашылығында 2 жерден өрт шыққан. Өрт 1,5 га аумақты шарпыды. Орманда біреулер қасақана от жаққаны анықталды», - делінген ұлттық парктің Facebook-тегі парақшасында.

Түрген бөлімшесінің мемлекеттік инспекторы Е.Қыдыров оқиға орнында болған 5 адамды ұстады.

«Ұсталғандар Есік қаласының кәмелетке толмаған жасөспірім тұрғындары болып шықты. Кейін күдіктілердің ата-аналары Еңбекшіқазақ аудандық полиция бөліміне шақыртылды. Ата-аналар түсініктеме жазып, балаларының тауда от жаққанын растады», - деді ұлттық парк өкілдері.