+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Алматыда әйелдердің мойнындағы алқаны жұлып қашқан қарақшы ұсталды

2020 жылғы 24 қыркүйек 13:53
Бөлісіңіз:
Алматыда әйелдердің мойнындағы алқаны жұлып қашқан қарақшы ұсталды

АЛМАТЫ. ҚазАқпарат - Алматыда әйелдердің мойынынан алқасын жұлып алған тағы бір қарақшы ұсталды, деп хабарлайды ҚазАқпарат тілшісі.

Бұрын қылмыстық жауапкершілікке тартылған 30 жастағы ер адам егде жастағы әйелдердің ізіне түсіп, оңтайлы сәтті күтіп, мойнындағы алқасын жұлып қашып отырған.

«Ол мойнында алтын алқасы бар, зейнет жасындағы әйелдерді аңдып отырған. Жәбірленушінің артынан байқатпай еріп, әйелдің дүкенге немесе кіреберіске жақындаған сәтін күткен. Содан кейін ол артқы жағынан келіп, алтын бұйымды бар күшімен жұлып алып қашқан. Сырт киімін ауыстырып, күртесін шешіп алып, содан кейін жейдемен жүрген. Әрине, бұл жерде егде жастағы әйелдің қолынан ештеңе келмейді. Тіпті қарақшының кім екенін анықтау әркімнің қолынан келе бермейді. Алайда, бізде дәлелденген фактілер бар және ұсталған адам заң аясында жауап береді. Қазіргі уақытта күдікті уақытша ұстау изоляторына қамалды. Оған қатысты ҚР ҚК 191-бабы бойынша сотқа дейінгі тергеу амалдары жүргізіліп жатыр», – деді Алмалы аудандық ПБ жанындағы полиция бөлімінің бастығы Думан Аухадиев.

Қарақшы Алмалы ауданында әрекет еткен, дегенмен қаланың басқа аудандарында да фактілер болуы мүмкін.

Осыған байланысты әлгі күдіктінің қылмыстық әрекетінен зардап шеккен азаматтар 298-54-74,8-701-888-43-37,8-707-697-71-59 немесе 102 телефондарына хабарласа алады.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT