+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Алматыда әйел тұрғындарды мемлекеттік бағдарлама бойынша үй алып беремін деп алдаған

2020 жылғы 26 қараша 23:11
Бөлісіңіз:
Алматыда әйел тұрғындарды мемлекеттік бағдарлама бойынша үй алып беремін деп алдаған

АЛМАТЫ. ҚазАқпарат – Алматыда тұрмысы төмен отбасыларға мемлекеттік бағдарлама бойынша үй алып беремін деп алдаған алаяқ әйел ұсталды, деп хабарлайды ҚазАқпарат тілшісі.

Ұқсас жаңалықтар
Елорда полицейлері бірнеше рет ұрлық жасаған қылмыскерді ұстады Ақтөбе тұрғыны банк өкілімін деп хабарласқан адамға сеніп, 1,2 млн теңгесінен айырылды Қуат Хамитовтың соты кейінге қалды

Алматы қалалық Полиция департаментінен мәлім еткендей, ұсталған М. есімді әйел алаяқтық әрекеті үшін бұрын сотталған болып шықты. Бұл жолы 60 жастағы әйел өзін саяси партия мүшесі ретінде таныстырып, адамдардың сеніміне кіріп, олардан ірі көлемде ақша алған.

«Алаяқтың арбауына түскендердің көбі өзінің таныстары. Араларында баспанаға мұқтаж емес, тіпті бақуаты тұратындары да бар. Олардың таныстарының сөзіне сенгені соншалық, кейбіреуі тіпті банктен несие де алған. Қаржыны тұрғындар алдын ала пәтер кезегіне тұру үшін берген. Адамдардан алынған қаржы көлемі 300 мың мен 1,5 теңгенің аралығында. Алайда, әккі келіншектің біреуге көмектесу деген ниеті болмаған. Оған алданғандардың ешқайсысы баспаналы болмады. Ал алаяқтық жолмен қолына түскен қаражатты әйел жеке пайдасына жұмсаған»,– дейді Алматы қаласы Бостандық аудандық полиция басқармасы жанындағы полиция бөлімінің бастығы Ғалым Қасымбаев.

Қазіргі таңда, күдіктінің осындай сегіз алаяқтық қылмысқа қатысты бар екені анықталды. ҚР ҚК-нің 190-бабы 3-тармағы 4-бөлімі бойынша қылмыстық іс қозғалды. Тергеу амалдары жалғасуда.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT