17:54, 13 Қыркүйек 2021 | GMT +6
Алматыда автобус жаяу жүргіншіні қағып кетті
АЛМАТЫ.ҚазАқпарат - Алматыда автобус жаяу жүргіншіні қағып кетті, деп хабарлайды ҚазАқпарат тілшісі.
Полиция департаментінің мәліметінше, жол апаты 12 қыркүйек күні кешкі сағат 20:00 шамасында болды.
«Sazle 60 маркалы автобусты басқарған жүргізуші Қонаев көшесінің бойымен солтүстік бағытта жүріп келе жатып, Мәметова көшесінің қиылысында жаяу жүргіншіні қағып кетті», - деді Алматы қаласы ПД анықтау басқармасының бастығы Олжас Шәріпов.
Оның айтуынша, түрлі дене жарақатын алған адам ауруханаға жеткізілді.
«Аталған факті ҚР ҚК 345-бабы 2-бөлігі бойынша сотқа дейінгі тергеудің бірыңғай тізілімінде тіркелді», - деді полиция өкілі.