Алматыда ауруханадан өрт шықты: 100-ден астам адам қауіпсіз жерге көшірілді
2018 жылғы 27 қыркүйек 17:59

Алматыда ауруханадан өрт шықты: 100-ден астам адам қауіпсіз жерге көшірілді

АЛМАТЫ.ҚазАқпарат - Алматыда №12 қалалық клиникалық ауруханасыда өрт шықты. 102 адам қауіпсіз жерге көшірілді, деп хабарлайды ҚазАқпарат тілшісі.

27 қыркүйек күні сағат 16:15-те қалалық Төтенше жағдайлар департаментінің «101» пультіне өрт туралы хабар түскен.

«Бостандық ауданы Жандосов көшесіндегі 6 мекен-жайында орналасқан клиникалық аурухана түтін шыққаны туралы хабарланды. Алғашқы өрт сөндіру техникасы оқиға орнына 13 минуттан соң 16.28-де жетті.

Компьютерлік томография кабинетіне қуат беретін ғимаратта аккумлятор батареялары өртенгені анықталды. Өрт сағат 16.37-де ауыздықталып, 16.49-да толықтай өшірілді. Жалын 1.5 шаршы метрді шарпыған. Ауруханада 102 адам қауіпсіз жерге көшірілген. Оқыс оқиғадан ешкім зардап шекпеген», - деді Алматы қалалық ТЖД ресми өкілі Сандуғаш Баймұхамбетова.

Jańalyqtar

MURAǴAT