Алматыда аула аумағын көгалдандыруға байқау жарияланды
Алматыда қала күніне орай «Аула аумағын үздік көгалдандыру – 2021» байқауы жарияланды. Жеңімпазға ауланы көгалдандыруға қажетті құрал-жабыдық пен өсімдіктер сатып алуға 5 000 000 теңге көлемінде сертификат табысталады.
Байқау аулаларды абаттандыруға, көгалдандыруға, тұрғындардың әлеуметтік белсенділігін арттыруға бағытталған.
Оған тұрғындар, меншік иесі ұйымдары мен пәтер иелері кооперативтері қатыса алады. Іс-шара ауланы көгалдандыру және абаттандыру жұмыстарына қала тұрғындарының назарын аудару мақсатында ұйымдастырылды.
Жұмыстарды бағалау кезінде олардың мәдени-эстетикалық, тәжірибелік, жаңашылдық ерекшеліктеріне назар аударылады. Байқауға қатысу үшін www.ecovid.kz сайтында тіркеуден өтіп, өтініш қалдыру қажет.
Марапаттау қала күні – 19 қыркүйекте өтеді.