Алматыда ауқымды марафон өтті
Алматыда марафон 6 жыл ішінде қалалық шаралар күнтізбесінің маңызды бөлігіне айналды. Оны өткізу уақыты Алматыда жылы ауа райымен дәл келіп жатады.
Жүгіретіндердің басым бөлігі кәсіби спортшылар емес, көпшілігі Ммрафонға өзінің денсаулығы мен денесін шынықтыру үшін қатысатындар.
Биыл марафонға әлемнің 38 елінен 13 мыңнан астам адам жазылды. Шараның ашылуына Алматы әкімі Бауыржан Байбек пен велоспорттан Олимпиада чемпионы Александр Винокуров сөз сөйледі. Қатысушылар арасында эстрада, спорт жұлдыздары да бар.
Сөз сөйлегендер Алматыдағы марафонның бұқаралық спортты дамытуда маңызы зор екенін атап өтіп, қатысушыларға бірінші кезекте денсаулықтарына баса назар аударуды тіледі. Қала басшысы салтанатты түрде жарысты бастады.
Марафон басталар алдында түрлі компаниялар, фирмалар, университеттер, қоғамдық бірлестіктер өздерінің акцияларын өткізіп, командаларын таныстырды.
Алматылық ЖОО студенттері Экиден-командалық марафонына тіркелді. Ұйымдастырушылар оған 80 команда жазылғанын атап өтті.
Қатысушылардың жасына шектеу жоқ, басты өлшем - белгіленген қашықтықты еңсеру үшін денсаулығы жарайтын болса болғаны. Айта кетерлігі, қатысушының жасы үлкен болған сайын ұзағырақ қашықтыққа жүгіруге тырысады.
Мәре орны ретінде таңдалған Орталық стадион алдында жүгірушілерді еріктілер мен алматылықтар қолпаштап тұрды. Атап өтсек, қатысушылар құрамының көбі 10 шақырым қашықтықты таңдады.
Қатысушыларға өздеріне ыңғайлы қашықтықты таңдау ұсынылған (3 шақырым (балалар), 10 шақырым, 21 шақырым, 42 шақырым, «Экиден командалық марафоны және скандинавиялық жүріс).
Қатысушылардан жиналған жарнаны ұйымдастырушылар балалар үйіне, емдеу мекемелеріне, спорт алаңдарын салуға, соларға қажетті заттар сатып алуға жұмсайды.