USD 436.29 EUR 492.83
RUB 5.92 CNY 68.48
Jańalyqtar

Алматыда алдағы жылдары қандай нысандар бой көтереді

2021 жылғы 28 қазан 22:53
Бөлісіңіз:
Алматыда алдағы жылдары қандай нысандар бой көтереді

АЛМАТЫ. ҚазАқпарат – Алматылықтар жайлы және абаттандырылған аудандарда тұратын болады. Бұл туралы Жайлы қалалық орта басқармасының басшысы Сапар Нұрашев мәлім етті, деп хабарлайды ҚазАқпарат тілшісі.

Ұқсас жаңалықтар
Алматыда ауқымды жер сілкінісінің қаупі қандай Алматыда заңсыз салынған гараждар сүріледі Нұр-Сұлтанда 16 мың үлескердің 13 мыңының мәселесі шешілді

Брифинг барысында Сапар Нұрашев жаңа нысандар салу және жобалық-сметалық құжаттама әзірлеу жоспарлары туралы айтты. Ведомство тарапынан 102 жоба әзірленіп, оның 27-сі бойынша сараптама қорытындысы алынған.

«Жас Қанат» шағынауданында 6 көппәтерлі тұрғын үй, «Нұркент» және «Шұғыла» шағынаудандарында инновациялық шығармашылық орталықтары, сондай-ақ «Зерделі» шағын ауданында 380 орынды жатақханасы бар 720 орынды кәсіптік-техникалық мектеп салуды жоспарлап отырмыз. Бұлардан өзге, №9, 15, 80, 122, 131, 141 мектептерін, «Білім-инновация» мектебін сейсмикалық күшейту және күрделі жөндеу жоспарланған. Сондай-ақ, «Ақжар» шағынауданында 320 орындық және «Айнабұлақ-4», «Саялы-2» шағынаудандарында әрқайсысы 160 орындық үш балабақша салынады», - деді басқарма басшысы.

Жайлы қалалық орта басқармасының жоспарында №70 бөбекжай-балабақша мен Стахановский көшесіндегі балабақшаны сейсмикалық нығайту және күрделі жөндеу жұмыстары тұр.

Спикер 30 көппәтерлі тұрғын үй мен 18 денсаулық сақтау нысанынан тұратын 48 жоба қарастырылып жатқанын жеткізді.

«Келесі жылға біз «Қалқаман-2» ТК жобалық-сметалық құжаттамасын әзірлеп жатырмыз. Жобаға сәйкес осы қала құрылысы торабында бес қабатты 20 үй салу көзделген. 160 орындық балабақшаның жобасы әзірленуде», - деді Сапар Нұрашев.

Болашақта 2023-2024 жылдары денсаулық сақтау саласын дамыту бойынша бірқатар ірі жобаны іске асыру жоспарда. Бұл жобаларға төрт емдеу мекемесі, үш емхана, сегіз отбасылық-дәрігерлік амбулатория кіреді.

Бүгінде барлық жоба жобалау кезеңінде.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT