13:45, 31 Мамыр 2021 | GMT +6
Алматыда әл-Фараби даңғылы 10 күнге жабылады
АЛМАТЫ. ҚазАқпарат – Алматыда әл-Фараби даңғылында көлік қозғалысы уақытша шектеледі, деп хабарлайды ҚазАқпарат тілшісі.
«Әл-Фараби даңғылының Достық даңғылынан Жарбұлақ өзеніне дейінгі көлік жүретін бөлігіндегі жол жабындысын толық ауыстыра отырып, жол жөндеу жұмыстарының жүргізілуіне байланысты 1-10 маусым аралығында әл-Фараби даңғылында көлік қозғалысы уақытша ішінара шектелетін болады»,-деп хабарлады Алматы қалалық мобильділік басқармасы.
Басқарма келтірілген қолайсыздық үшін алматылықтардан кешірім сұрайды.
Сонымен қатар, жүргізушілерге жол жүру бағытын алдын ала жоспарлауға кеңес берді.