USD 434.24 EUR 492.69
RUB 5.67 CNY 68.46
Jańalyqtar

Алматыда АИТВ-мен ауыратын адамдарға туберкулезді диагностикалаудың жаңа әдісі енгізілді

2021 жылғы 23 қараша 16:46
Бөлісіңіз:
Алматыда АИТВ-мен ауыратын адамдарға туберкулезді диагностикалаудың жаңа әдісі енгізілді

АЛМАТЫ. ҚазАқпарат- Алматы қаласында алғаш рет пилоттық режимде адамның иммунитет тапшылығы вирусымен өмір сүретін адамдарға туберкулезді ерте диагностикалаудың жаңа әдісі енгізіліп жатыр, деп хабарлайды ҚазАқпарат тілшісі.

Ұқсас жаңалықтар
ҚР Бас мемлекеттік санитарлық дәрігердің қаулысына карантин мерзімі бойынша өзгерістер енгізілді Қарағанды облысында шалғай ауылдарға мобильді дәріханалар қатынауда Дәріханаларда NaCl ерітіндісі тапшы: Алматы әкімдігі түсінік берді

«Туберкулезді ерте диагностикалау және уақтылы емдеу АИТВ инфекциясымен өмір сүретін адамдардың өмірі мен денсаулығын сақтауға мүмкіндік береді. Айта кетейін, АИТВ инфекциясы туберкулездің дамуына әкеледі», - дейді Алматы қалалық ЖИТС орталығының бас дәрігері Марат Төкеев.

Оның айтуынша, липоарабиноманнан (ЛАМ) зәр анализіне арналған сынақ жолақтары туберкулез бен АӨСА арасында және АИТВ дамуының кеш сатысында диагноз қоюға мүмкіндік береді.

«Оларды қолдану оңай және ақысыз. Диагностиканың жаңа әдісінің тағы бір дәлелі - АИТВ-мен ауыратын науқастарда қақырықта бактериялық жүктеме аз болады, бұл микроскопияның теріс нәтижелерінің жиілігінің жоғарылауына әкеледі. ЖИТС орталығының медицина қызметкерлері арнайы оқудан өтті. Сондай-ақ ТБ ЛАМ тестілерін қолдану бойынша алгоритмдер мен нұсқаулықтар келісіліп, бекітілді»,- дейді ол.

Бүгінгі күні Алматы қаласының ЖИТС орталығында АИТВ-мен өмір сүретін 3 810 адам есепте тұр.

2021 жылғы 1 қарашадағы статистикасы бойынша 40 адамға туберкулез диагнозы қойылды.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT