+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Алматыда ағасына араша түскен жігітті өлтірген адам ұсталды

2019 жылғы 2 тамыз 17:44
Бөлісіңіз:
Алматыда ағасына араша түскен жігітті өлтірген адам ұсталды

АЛМАТЫ. ҚазАқпарат - Алматыда қарт кісінің телефонын тартып алмақ болған адамға қарсылық көрсеткен жігіт кісі қолынан көз жұмды, деп хабарлайды ҚазАқпарат тілшісі.

Ұқсас жаңалықтар
Қостанайда 57 жастағы әйел өзімен бірге тұратын ер адамды пышақтап тастады Ақтөбеде аула сыпырушылар төбелесіп, біреуі көз жұмды Оралда екі адамды өлтірген күдіктілер ұсталды

Қайғылы оқиға бүгін Райымбек-Розыбакиев көшелерінің қиылысында болған. Бұл туралы видео Vkontakte желісіндегі «Я очевидец Алматы» паблигінде жарияланды.

Полиция департаментінің хабарлауынша, Аносов көшесінің 53 жастағы тұрғыны аулада тұрғанда қасына бір мас жігіт келіп, телефонына таласа бастаған. Сол сәтте ер адам үйіндегі бауырын шақырған.

«Араша түспек болған жас жігіт пен бұзақының арасында төбелес болған. Кейін күдікті жас жігіттің жүрек тұсынан пышақ салған. Ол алған жарақатынан сол жерде көз жұмды. Полицияға хабарлама түскен соң оперативті қызмет өкілдері айналаны тінтіп шыққан. Қылмыскер жеке үйлердің бірінің моншасының төбесінде тығылып отырған жерінен табылды. Ол пышағымен полицияға қарсылық көрсетті. Алайда, бірнеше минуттан соң полиция оны ұстады», - деді Алмалы аудандық полиция басқармасының өкілі Таңат Назанов.

26 жастағы Талдықорған тумасы бұрын да бірнеше рет ұрлық жасағаны үшін істі болған.

Бұл дерек бойынша ҚР ҚК 99-бабымен сотқа дейінгі тергеу амалдары басталды. Күдікті уақытша оқшаулау орнына қамалды.


Біздің каналымызға жазылыңыз:

Басты сөздер: Алматы, Оқиға,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT