+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алматыда Абайдың поэзиясы мен музыкасына арналған кеш өтті

2020 жылғы 26 ақпан 21:19
Бөлісіңіз:
Алматыда Абайдың поэзиясы мен музыкасына арналған кеш өтті

АЛМАТЫ. ҚазАқпарат – Алматыдағы Республика сарайында Абайдың 175 жылдығына арналған поэзия және музыка кеші өтті, деп хабарлайды ҚазАқпарат тілшісі.

Салтанатты кешке қала әкімі Бақытжан Сағынтаев, зиялы қауым өкілдері, мәдениет қайраткерлері қатысты.

Ұйымдастырушылардың айтуынша, эссе-кештің мақсаты — Абайдың мол мұрасын насихаттауға ерекше рең беру. Осы орайда поэзия мен музыка кешінде ойшылдың ілімі жаңа сипатта асқақтатылды.


Айта кету керек, көрерменге Абайдың Абай болып қалыптасу, даму кезеңдері көрсетілді. «Әлем есігі» прологынан бастау алған іс-шара жыл мезгілдеріне арналған өлеңдермен, ал балалардың биі күйдің сүйемелдеуімен орындалды.

Сондай-ақ, ақындық-музыкалық, хореографиялық қойылымдар, соның ішінде Абайдың махаббат лирикасы, табиғат сұлулығына арналған қойылымдары ұсынылды. Бұған дейін тек домбырада орындалып келген «Сегіз аяқ» әнін Нұржан Жанпейісов, Ерлан Рысқали және Тілек Базаров эстрада-симфониялық оркестрінің сүйемелдеуімен шырқады.

Кешке келген көрермен Абайдың «Көзімнің қарасы» әнін орындап, ақынның өлеңдерін жатқа айтты.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT