Алматыда Абай даңғылынан жоғары салынатын ғимараттардың қабат саны шектелді
Оның айтуынша, құрылыстың жаңа ережелері өткен жылы тарихи орталықтың сақталуын ескере отырып қабылданды.
Оларға мектептерді, балабақшаларды және басқа да инфрақұрылымды қадамдық қолжетімділікпен қамтамасыз ету бойынша тұрғын үй кешендерін салушылардың міндеттемесі де енгізілген.
«Абай даңығылынан жоғары әл-Фараби даңғылы мен Жандосов көшесіне дейінгі, Шығыс айналма жолынан Саин көшесіне дейінгі учаскелердегі тұрғын үй ғимараттарының биіктігі шектеледі», - деді ол.
Тұрғын үй ғимараттарының биіктігін шектеу себептерінің ішінде әкім орынбасары мынаны атап өтті:
- қаланың табиғи жағдайларын да, сәулеттік дәстүрлерін де ескермейтін тұрғын үй ғимараттарының типтерін қолдана отырып, жаңа құрылысқа тән келбеттің болмауы;
- бұрыннан бар сәулет-ландшафтық көрікті жерлерді сақтау және анықтау қажеттілігі;
- жайлы кеңістік құру және қалыптастыру;
- қаланың тау етегіндегі тұрғын үй құрылысының жоғары тығыздығы;
- әлеуметтік және көлік инфрақұрылымының талап етілетін деңгейінің болмауы;
- әртүрлі жағдайларда, оның ішінде қауіпсіздік бөлігінде биік тұрғын үй ғимараттарын пайдалануға және оларға қызмет көрсетуге қойылатын нормативтік талаптардың болмауы.
Осыған байланысты көрсетілген аудандардағы ғимараттар биіктігінің шекті параметрлерін 5 және 9 қабаттан аспайтын етіп салу ұсынылады.
Сондай-ақ, спикер ескірген тұрғын үйлерді реновациялау бағдарламасын одан әрі іске асыру туралы айтып берді.
«Меншік иелерінің 100%-ы жеке инвесторды тартуды қолдайтын үйлерді қоспағанда, ескірген тұрғын үй қорын бюджет қаражаты есебінен реновациялау бағдарламасын одан әрі іске асыру бойынша шешім қабылданды», - деп атап өтті әкім орынбасары.
Спикердің сөзінше, қазіргі уақытта қалада 1930-1975 жылдары салынған, пайдалану мерзімі өткен 1427 екі қабатты үй бар, онда 60 мыңнан астам адам тұрады
6637 пәтерлі 708 ескі үйді бұзу және 34 605 пәтерлі 683 тұрғын үй салу жоспарда.
«Ескі үйлердің тұрғындары жаңа тұрғын үй қорына көшіріледі, ал бұзылатын тұрғын үй аумақтары қала мұқтажын қамтамасыз ету және жайлы ортаны қалыптастыру үшін пайдаланылады», - деп түсіндірді Мұхит Әзірбаев.