22:11, 07 Қыркүйек 2015 | GMT +6
Алматыда 9 қабатты үйден өрт шықты: 110 адам қауіпсіз жерге көшірілді
АЛМАТЫ. ҚазАқпарат - Алматыда Самал шағынауданы, 53 мекенжайы бойынша орналасқан 9 қабатты үйдің 3 қабатынан түтін будақтап жатыр: 110 адам қауіпсіз жерге көшірілді.
Оның 8-і - балалар. Бұл туралы қалалық төтенше жағдай департаментінің баспасөз хатшысы Сандуғаш Баймұхамбетова хабарлады.
Өрт туралы хабарлама кешкі 20.57-де түскен. Баспасөз хатшысының айтуынша, жертөледе электр қалқаншасындағы сымдардың қысқа тұйықталуынан өрт тұтанған. Өртті сөндіруге 6 арнайы техника мен 22 адам жұмылдырылды. Тілсіз жау 21:31-де ауыздықталды.