Алматыда 8 метр биіктіктен құлаған құрылысшы мерт болды

АЛМАТЫ. ҚазАқпарат - Алматыда тағы бір жұмысшы өндірістік жарақат алып, қаза болды. Бұл туралы ҚР ТЖМ баспасөз қызметінен хабарлады.

Медеу ауданындағы құрылыста жұмыс істеп жүрген «Азия Билдинг Групп» холдингінің жұмысшысы 8 метр биіктіктен құлап, жазым болды. Оқиға «Достық Плаза» сауда үйінің жаңадан салынып жатқан нысанында орын алған. 1990 жылы туған азамат Н. Беспаев алған жарақаттарынан жедел жәрдем көлігінде көз жұмды.