Алматыда 4 қабатты үй өртенді

АЛМАТЫ. ҚазАқпарат - Алматыда 5 шағынаудандағы  нөмірі 18 үйде 4-қабаттағы пәтер отқа оранды,  деп хабарлайды ҚазАқпарат тілшісі.

Қалалық ТЖД  баспасөз қызметінің хабарлауынша, өрт туралы хабарлама 19:58-де түскен. Өрт сөндірушілер  оқиға орнына 4 минутта жеткен.

Олардың айтуынша, 4-қабаттағы пәтердің  1 бөлмесі отқа оранған. Өрт сөндірушілер тілсіз жаудың басқа бөлмелерді шарпуының алдын алды. Қызыл жалын 15 шаршы метр аумақты шарпыған. 

Қауіпсіздік мақсатында сол подьездің  тұрғындары түгел қауіпсіз жерге көшірілді. Əзірге өрттің неден шыққаны белгісіз. Төтенше жағдайдан ешкім зардап шекпеді.