+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Алматыда 32 млн теңгені ұрлады деп ұсталған зообақ кассирі кінәсін мойындамады

2017 жылғы 25 қазан 18:33
Бөлісіңіз:
Алматыда 32 млн теңгені ұрлады деп ұсталған зообақ кассирі кінәсін мойындамады

АЛМАТЫ. ҚазАқпарат - Алматыда 32 млн теңгені жымқырды деген күдікпен ұсталған зообақ есепшісінің соты басталды, деп хабарлайды ҚазАқпарат тілшісі сот залынан.

Алдын ала тергеу жұмыстарын қалалық Мемлекеттік кірістер департаменті жүргізген болатын.

Істі судья Фаррух Омаров қарап жатыр.

Іс материалдарына сәйкес, Алматы зообағының есепшісі билеттерді сату барысында компьютерден 32 млн теңгені жойып жіберген.

«Назарова Марина бухгалтерлік есепті жүргізуге жауапты тұлға бола отырып, бухгалтерлік құжаттарға қасақана жалған ақпарат енгізген. Осылайша ол Алматы зоологиялық паркі МКК-іне залал келтіріп, ҚР ҚК 241-бабында көрсетілген қылмыс жасады. Сонымен қатар, өзінің қызметтік лауазымын өз мүддесіне пайдаланып, өзіне сеніп тапсырылған мүлікті ұрлады. Осылайша оған ҚР ҚК 189-бабының 4-бөлімімен айып тағылып отыр», - деді прокурор Ержан Құрақбаев.

Сот отырысы барысында Назарованың әріптестері, 2 кассирден жауап алынды.

Олардың айтуынша, Марина Назарова 1 кассада отырған. Оның міндеті - билет сатып, есебін жүргізу болған.

«Астында 3 кассир отыратын. 1-кассада сатылған билеттің есебін жүргізетін сервер орнатылған. Марина Назарова сол сервермен жұмыс жасайтын. Одан басқа сервердің паролін зообақ директоры, бас бухгалтер білетін. Кей күндері ол демалысқа кеткенде басқа кассирлер орын ауыстыратын», - деді куәгер Тәжібаева.

Өзіне сөз берілгенде Марина Назарова кінәсін мойындамады.

Келесі сот отырысы 1 қарашаға белгіленді.

37 жастағы күдікті Марина Назарова 14 тамызда ұсталған болатын.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT