Алматыда 23 мыңнан астам оқушы тегін тамақпен қамтамасыз етіледі
Кеңес барысында мектептердің оқушыларды қабылдауға соңғы дайындығы тексерілді. Аудандық білім бөлімінің басшылары тыңдалды. Қауіпсіздік шараларын қамтамасыз етуді ескере отырып, эпидемиологиялық қызметтің оқу үдерісіне дайындығын тексеру нәтижелері қаралады.
Өала әкімінің орынбасары Ержан Бабақұмаров оқу үдерісінің қауіпсіздігіне, оқытушылар құрамының вакцинациямен қамтылу деңгейіне, сондай-ақ тілегін білдіргендерге онлайн режимінде оқытудың сапасына тоқталды.
Жаңа оқу жылында Алматыдағы мектептердің контингенті шамамен 300 мың оқушы болады, 30 мыңнан астам бала бірінші сыныптарда оқиды. Бүгінде 2-11 сынып оқушылары кітапхана қорынан 100% оқулықтармен қамтамасыз етілді, сонымен қатар оқулықтарды жеткізу аяқталды, оның ішінде 1 сыныптарға арналған «Әліппе» мен «Букварь» бар. Сонымен қатар, 23 мыңнан астам бала тегін тамақпен қамтамасыз етіледі.
Балаларға қауіпсіз эпидемиологиялық ортаны қамтамасыз ету үшін медициналық қарсы көрсетілімдері барларды қоспағанда, мемлекеттік қызметкерлердің 34 мыңнан астамы және жеке білім беру ұйымдарының 11 мың қызметкері 100% вакцина алды. Барлық ұйымдар толу нормасы 25 оқушы болуы тиіс, дезинфекциялау шараларын және үй-жайларды өңдеуді сақтайды.
Онлайн оқуға өтініш берген отбасыларға оқу процесінің ұйымдастырылуы туралы ақпарат беріледі. Негізінен қашықтан оқыту процесін тиімді ұйымдастыратын және рұқсат етілмеген адамдардың қосылуын болдырмайтын «Сфера» Алматы онлайн платформасы пайдаланылатын болады.
Кеңес қорытындысы бойынша Алматы қаласы әкімінің орынбасары Ержан Бабақұмаров оқу процесін бақылау бойынша бірқатар нақты тапсырмалар берді.
Санитарлық-эпидемиологиялық бақылау департаментіне мемлекеттік және жекеменшік мектептерде қауіпсіздік шаралары, алдын алу шаралары мен мектептерді қажетті дезинфекциялау құралдарымен және басқа қорғаныс құралдарымен жабдықталуын жүйелі түрде бақылауды тапсырды.
Қоғамдық денсаулық және Білім басқармалары балаларды профилактикалық тексеруді қайта бастау, білім алушылардың денсаулығының жағдайына медициналық бақылауды күшейту мәселесін пысықтауы қажет.
Сондай-ақ, білім беру ұйымдарындағы балалардың қауіпсіздігі, бейнебақылау жүйелерінің жұмыс істеуі және оларды Полиция департаментінің жедел басқару орталығына алып кету, кіру режимінің сақталуын бақылау және кезекшілікті ұйымдастыру, вахтерлердің, күзетшілердің жұмысы туралы нұсқаулар берілді.