+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Алматыда 2 метро стансасы іске қосылса, жолаушылар ағыны күніне 86 мың адамға жетеді

2021 жылғы 15 қазан 09:54
Бөлісіңіз:
Алматыда 2 метро стансасы іске қосылса, жолаушылар ағыны күніне 86 мың адамға жетеді

АЛМАТЫ. ҚазАқпарат - Алматы әкімі Бақытжан Сағынтаев метрополитеннің екінші іске қосу кешені нысандарының құрылыс барысымен танысты, деп хабарлайды ҚазАқпарат тілшісі.

Ұқсас жаңалықтар
Тәуелсіздік күні қарсаңында Алматыдағы ҚазАқпарат тілшілері марапатталды Алматыда сыбайлас жемқорлыққа қарсы саясатты қалыптастыру мәселесі талқыланды Алматыда «Жамбыл жырау» операсының премьерасы өтті

Екінші іске қосу кешені аралық тоннельдерден және қазіргі кезде әрлеу жұмыстары жүріп жатқан «Сарыарқа» және «Б. Момышұлы» екі бекетінен тұрады. Метрополитеннің бірінші желісінің екінші кешені учаскесінің трассасы Абай даңғылының астында, Алтынсарин даңғылынан Яссауи көшесіне дейін батыс бағытта орналасқан. Құрылыс ұзындығы екі жолды бағытта 3,08 шақырым.

Екінші іске қосу кешенінің жалпы дайындығы 91%. Бүгінде темір-бетон конструкцияларының құрылысы, аралық тоннельдерді қазу аяқталды, сәулет-әрлеу жұмыстары, жолдың жоғарғы құрылысы аяқталып қалды. Қалған жұмыстарға инженерлік желілерді төсеу және жабдықты іске қосу кіреді.

Бүгінде орташа тәуліктік жолаушылар ағыны 30 мың адам. Мамандардың есептеуі көрсеткендей, екінші іске қосу кешені пайдалануға берілген соң орташа тәуліктік жолаушылар ағыны шамамен 86 мың адамға жететін болады. Бұл Абай даңғылындағы көлік қозғалысын едәуір жеңілдетуге және мыңдаған қала тұрғындары мен қонақтарының мобилділігін арттыруға мүмкіндік береді.

«Сарыарқа» бекеті – терең төсемді, пилон типті. Вестибюльден, екі кіру тобынан тұрады. 2 Лифт, 8 эскалатор орнатылды. Ол «Фэмили» саябағының жанына, №3-8, 12 шағын аудандар бар, яғни қаланың ең тығыз елді мекендерінің бірінде орналасқан.

«Б. Момышұлы» бекеті – ұсақ қаланған, колонна типті. Екі жерасты вестибюльінен, алты кіру тобынан тұрады. 6 лифт, 15 эскалатор қарастырылған. Абай даңғылының жүріс бөлігінің астында, Момышұлы көшесінің батысында орналасқан. Бекет Жетісу, Жетісу-2, Жетісу-4, Мамыр, Мамыр-5, Мамыр-7 шағын аудандарын қамтиды.

Қала әкімі Бақытжан Сағынтаев жыл соңына дейін стансалардың техникалық іске қосылуын қамтамасыз ету үшін құрылыс-әрлеу жұмыстарын жоғары қарқынмен жүргізуді тапсырды.

Метрополитеннің бірінші желісінің екінші кезегінің үшінші іске қосу кешені учаскесінің трассасы құрылысы жүріп жатқан Абай даңғылының астында, Яссауи көшесінен Әшімов көшесіне дейін батыс бағытта орналасқан. Ұзындығы 2,5 шақырым қос жолды бағыттағы аралық тоннельдерден және ұсақ төселген «Қалқаман» бекетінен тұрады. Құрылысты келесі жылдың соңына дейін аяқтау жоспарда.

Есептік жолаушылар ағыны күніне шамамен 93 мың адам болады.



Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT