+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Алматыда 2 бала терезеден құлап кеткен

2020 жылғы 22 мамыр 14:04
Бөлісіңіз:
Алматыда 2 бала терезеден құлап кеткен

АЛМАТЫ. ҚазАқпарат - Алматыда жыл басынан бері 2 бала терезеден құлаған. Бұл туралы онлайн брифинг барысында қалалық ТЖД азаматтық қорғаныс басқармасының басшысы, полковник Тұрысбек Сартаев айтты, деп хабарлайды ҚазАқпарат тілшісі.

«Жыл сайын жаз маусымында статистика қайғылы оқиғамен басталады. Себебі, балалар биік қабаттардағы ашық тұрған терезеден құлап кетеді. Наурыз айынан бастап Алматы қаласында 112 желісі бойынша осындай 2 оқиға тіркелді, бір бала оқиға орнында мерт болды. Жұмалиев көшесінде орналасқан 5 қабатты үйдің 4-қабатының терезесінен 3 жастағы ұл бала құлап кеткен. Ол кезде ата-анасы үйде болған. Ауыр жарақат алған бала шұғыл көмек көрсету орталығына жеткізілді. Дәрігерлердің көмегінің арқасында 10 күннен соң бала жазылып, ауруханадан шықты», - деді Тұрысбек Сартаев.

Ал Жасқанат шағынауданында 9 қабатты үйдің 6-қабатынан құлаған бала оқиға орнында көз жұмды.

«22 наурыз мереке күні Түрксіб ауданы Жас Қанат ықшам ауданындағы 9 қабатты үйдің 6-қабатынан үлкендердің қарауынсыз ас үйде ойнап отырған қыз бала терезеден құлап түсті. 18 маусымда 4 жасқа толар еді. Бала жедел медициналық жәрдем келгенге дейін қайтыс болды»,- деді полковник.

ТЖД өкілі айналаға қызығушылығы басым 5 жасқа дейінгі балалардың жиі құлайтынын айтты.

Осы жағдайларға байланысты Алматы ТЖД ата-аналар мынадай ережелерді есте сақтауы керектігін айтады:

- егер терезе 12,5 см артық ашық болса, балаңыз терезеден құлап кетуі мүмкін;

- терезенің кең ашылуына мүмкіндік бермейтін құлып орнатыңыз;

- балаларға терезеден алыс ойнауды үйретіңіз;

- балаларды үнемі бақылауда ұстау керек;

- терезеге орнатылған москитті торлар балалардың құлауына кедергі бола алмайды;

- терезені ашуға мүмкіндік бермейтін шектеулер қойыңыз.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT