Алматыда 17 жастағы қыз жол апатынан мерт болды

АЛМАТЫ. ҚазАқпарат - Алматыда Мерседес көлігі жол апатына ұшырап, 2000 жылы туған қыз мерт болды, деп хабарлайды ҚазАқпарат тілшісі. 

Алматыда Сүйінбай даңғылында  оңтүстік бағытта келе жатқан Мерседес жол апатына ұшырады. Куәгерлердің айтуынша, көлік тайғақта сырғанап барып, көше жарығының бағанына соғылған. Қатты соққыдан көлік аударылып тұрған. Көлік ішінде 5 адам болған. Жол апатынан оның 4-еуі жарақаттанған. Кейін 2000 жылы туған қыз ауруханада қаза тапқаны анықталды.

Айта кетейік, кеше Алматыда күн жылынып, қар еріген болатын. Қалалық әкімдік жолаушыларға абайлап жүруді ескерткен де еді.