12:29, 20 Қаңтар 2019 | GMT +6
Алматы зообағының жануарларының іс-қимылы йога жаттығуларымен үндесіп жатыр
АЛМАТЫ. ҚазАқпарат - Әлемде йога жаттығуларының танымалдылығы артып келеді. Тән мен жанның үйлесіміне жетуді, дұрыс тынығуды мақсат тұтатындардың арасында жануарлар да бар.
Алматы зообағының жануарлары жаңа фитнес-трендті меңгеріп келеді.
Азия қабыланы, амур жолбарысы, ақ аю, елік, қоқиқаз, үйрек бұл спорт түрін жақсы үйреніп алған.
«Жан мен тән үйлесіміне сеп болатын йога жаттығулары пайда болғалы 5 мың жылдан асты. Бұл жаттығуларды адамдар ойлап тапқан. Алайда, жабайы табиғат аясында жануарлардың жүріс-тұрысы, сипаты, өзін-өзі ұстауы йога жаттығуларынан кем түспейді», - дейді зообақтың қызметкері Михаил Сорокоумов.
Сарапшылардың айтуынша, адамдар зообаққа келген соң жануарларды көрген кезде бір мезгіл миы тынығып, негативті энергиядан арылады.