+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Алматы ЖЭО-2 газға ауыстыруға қанша қаражат керек

2020 жылғы 30 қазан 16:38
Бөлісіңіз:
Алматы ЖЭО-2 газға ауыстыруға қанша қаражат керек

АЛМАТЫ. ҚазАқпарат – Алматыдағы ЖЭО-2 стансасы көмірден газға толығымен 2025 жылы көшеді. Көгілдір отынмен жанатын бірінші қазандықтар 2023 жылы шыға бастайды, деп хабарлайды ҚазАқпарат тілшісі.

Ұқсас жаңалықтар
Алматыда дизель отынымен жүретін атвобустарды сатып алуға тыйым салынбақ Ақтөбеде шошқа фермасының жұмысына қатысты қылмыстық іс қозғалды Ақмола облысында экология тақырбында халықаралық конференция өтті

Жоба құны шамамен 98 млрд теңге болмақ. Бүгін өткен қоғамдық талқылау барысында осы жайында айтылды.

«Алматыда экология мәселесі өзекті. Қаланың экологиясына әсер ететін факторлардың ең бастысы - осы ЖЭО-2 бөлетін қалдықтар. Бір жағынан бұл - қаладағы ең үлкен жылу көзі, ғимараттардың 50 пайыздан астамына осы орталықтан жылу беріледі», - деді «Алматы электростансалары» АҚ басқарма төрағасының орынбасары және бас инженері Ғазий Исмұхамбетов.

Оның айтуынша, орталықты модернизациялаудың 4 жолы бар.

Институт ұсынған есептеулердің нәтижесінде бірінші нұқса қабылданды. Яғни, көмірмен жұмыс істейтін қазандықтар газға ауыстырылатын болды. Келісім шартқа сәйкес жыл соңына дейін институт техникалық экономикалық құжаттама өткізеді.

«Биыл біз мемлекеттік сараптамаға техникалық экономикалық құжаттама өткізіп жатырмыз. Құрылыс жұмыстары 2023 жылы басталады. Сол кезде біз қазандық агрегаттарын тұрғындарды жылудан ажыратпай-ақ біртіндеп көшіре аламыз. Әр қазандықты көшіруге жарты жыл уақыт кетеді. Толық жұмыс 2025 жылы аяқталады. Жоба құны - 98 млрд теңге», - деді спикер.

Газий Исмұхамбетов ЖЭО-2 газға көшкен жағдайда жылу тарифі көтерілетінін айтты.

«Тариф бойынша Самұрық Қазына қоры мен Үкімет, Алматы әкімдігі қаржыландыру мәселесін шешіп жатыр. Еуразиялық қайта құру банкі, басқа да банктермен келіссөздер жүріп жатыр. Осы талқылаулардан соң ғана нақты санды айта аламыз», - деді ол.

«КазНИПИЭнергопром» АҚ бас инженері Максим Васильевтің айтуынша, 98 млрд теңге алдын ала есептеу бойынша шығарылған сома. Бұл сома жобаны жүзеге асыру барысында өзгеретін болады.

Оның айтуынша, реконстуркциялық жұмыстардан соң ауаға шығарылатын зиянды қоспалар 5,5 есе кемиді. Әсіресе, көмірден шығатын күкірт диоксиді азаяды.

«Қазір ауа бассейніне шығатын қоспалар жылына 38 мың тонна болса, біздің есебіміз бойынша 6 мың тоннаға азаяды», - деді Максим Васильев.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT