11:08, 02 Қазан 2019 | GMT +6
Алматы және Жамбыл облыстарындағы жолдарда полиция көлігінің макеттері орнатылды
НҰР-СҰЛТАН. ҚазАқпарат - «QazAvtoJol» ҰК» АҚ Алматы және Жамбыл облыстық полиция Департаментінің әкімшілік полиция басқармасымен бірлесіп қауіпті аймақтар және жөндеу жұмыстары жүріп жатқан жол учаскелерінде «жол-патрульдік полиция» көлігінің макеттерін орнатты.
Бұл туралы ҚазАқпарат «QazAvtoJol» компаниясына сілтеме жасап хабарлайды.
Бұл іс-шара республикалық маңызы бар автожолдардағы қауіпсіздікті қамтамасыз ету және рұқсат етілген қозғалыс жылдамдығын асырмау үшін ұйымдастырылуда.
Қазіргі таңда Алматы облысы бойынша 5 макет, ал Жамбыл облысында 4 макет жол жиегіне қойылған. Алдағы уақытта мұндай макеттерді еліміздегі барлық республикалық маңызы бар автожолдардың бойында орнату жоспарланған.