Алматы тұрғынынан 500-ге жуық киік мүйізі тәркіленді

2022 жылғы 3 желтоқсан, 11:44
Алматы тұрғынынан 500-ге жуық киік мүйізі тәркіленді

АСТАНА. ҚазАқпарат - Алматы тұрғынынан 500-ге жуық киік мүйізі тәркіленді, деп хабарлайды ҚазАқпарат Polisia.kz-ке сілтеме жасап.

Полиция қызметкерлері шаһардың Алатау ауданындағы Заря Восток шағын ауданында арнайы іс-шараны жүргізді. ҰҚКБ қызметкерлері жергілікті тұрғынның Қызыл кітапқа енген ақбөкен мүйіздерін сақтап, сататыны туралы жедел ақпаратты тексерді. Дабыл расталды.

Күдікті – 42 жастағы Х есімді азамат. Оның үйін тінту барысында қосалқы бөлмеден 462 дана ақбөкен мүйізі, сондай-ақ белгісіз тұқымды тастар табылды және тәркіленді. Бұл дерек сотқа дейінгі тергеудің бірыңғай тізіліміне ҚР ҚК-нің 399-бабы бойынша тіркелді.

Тауарды Алматыға жеткізудің мән-жайы мен оны жүзеге асыру шарттары тергеу барысында анықталатын болады.

Фото: polisia.kz


Ұқсас жаңалықтар
Серіктестер жаңалықтары

Jańalyqtar