15:38, 08 Қазан 2018 | GMT +6
Алматы тұрғыны жол ережесін бұзып, видеосын желіге жүктеген
АЛМАТЫ. ҚазАқпарат - Әл-фараби даңғылында жол ережесін бұзып, видеосын желіге жүктеген жігіт 1 жылға жүргізуші құқығынан айрылуы мүмкін. Бұл туралы ҚазАқпарат тілшісіне қалалық ІІД баспасөз қызметінің басшысы Салтанат Әзірбек айтты.
Оның айтуынша, қазір аталған дерек бойынша іс материалдары әкімшілік сотқа берілген.
«ҚР ӘқбК 4 пунктын бұзғаны үшін ол айыппұл төлеуге мәжбүрленуі мүмкін. Ал қарама-қарсы бетке шыққаны үшін 6 айға жүргізуші құқығынан айрылады. Ал егер бұрын да осындай құқықбұзушылық жасаған болса, онда 1 жылдан аса көлік айдауға тыйым салынады», - деді Салтанат Әзірбек.
Сонымен қатар, полиция қазір Instagram желісіндегі nelegal.kaz паблигін жіті қадағалауды қолға алды.
«Полиция бұл пабликті қадағалауды қолға алды. Аталған парақшада 85 видеj, 89 фото қаралды. 5 әкімшілік хаттама толтырылды1, - деді ІІД ресми өкілі.