Алматы, Тараз, Шымкент қалаларында жерасты дүмпуі сезілді

АЛМАТЫ. ҚазАқпарат - Тәжікстанда болған жерасты дүмпулерінің күші Қазақстанға да жетті. Тараз бен Шымкент қалаларында қуаты 3-4 балл, Алматыда қуаты 2 балл сілкініс сезілді.

Бұл мәліметті Алматы уақыты бойынша күндізгі сағат 13:50-де «ҚР БҒМ ҰК СТӘЭ» ММ-нің сейсмикалық стансаларының желісі тіркеді. Жерасты дүмпулерінің ошағы Алматы қаласынан оңтүстік-батысқа қарай 620 шақырым қашықтықта Тәжікстан аймағында байқалған. Жер сілкінісінің энергетикалық класы - 15.0, магнитудасы - 6,9. Тереңдігі - 10 шақырым.