13:15, 02 Сәуір 2020 | GMT +6
«Алматы су» 4 күнге су тоқтайды деген қауесетті жоққа шығарды
АЛМАТЫ. ҚазАқпарат – WhatsApp желісінде тараған «Алматы су» МКК 4 күнге дезинфекцияға жабылады деген ақпарат шындыққа сәйкес келмейді. Бұл туралы кәсіпорынның баспасөз қызметі мәлімдеді, деп хабарлайды ҚазАқпарат тілшісі.
«Алматыда су үзіліссіз берілетін болады. WhatsApp арқылы тараған 4 күнге жабылады деген ақпарат шындыққа сәйкес келмейді. Ауыз су бұл уақытта тоқтамайды», - деді кәсіпорынның баспасөз қызметінен.
Қала тұрғындары жоспарлы жөндеу жұмыстарының уақыты туралы ақпаратты almatysu.kz сайтынан көре алады.