Алматы полициясы қала маңын дронмен бақылауға көшті
Алматыдағы №13 постта кезекші полиция қызметкерлері бақылау бекетінен өтіп, қалаға кіруге және қаладан шығуға тырысатын адамдарды анықтап жатыр. Бұл жағдайда тәртіп сақшыларына қала мен Алматы облысының шекаралас белдеуінде орналасқан күзет мекемесінің қызметкерлері көмектеседі.
«Жоғарыдан бақылау арқылы қаладағы карантин режимін бұзушылардың нақты орналасқан жерін білуге және анықтауға болады. Бұл аймақта тәулік бойы тау бөктерінде азаматтық квадрокоптермен бірге атты патрульдер де жұмыс істейді, бұл ереже құқықбұзушылардың қашуына мүмкіндік бермейді. Осы аймақ арқылы өтуді қалайтын адамдардың санын азайтуға мүмкіндік берді. Тауларға жақындағанда құқықбұзушылар дронды, атты патрульді көріп, артқа шегінеді. Осыған байланысты күзет агенттігінің алғыс айтамыз», – деді Медеу аудандық полиция басқармасының басшысы Болат Тотыбаев.
Бұған дейін, карантин периметрінің қолжетімсіз жерлерін Алматы полициясы атпен жүріп бақылайтынын хабарлаған едік.