Алматы полиция департаменті бастығының орынбасары Рүстам Әбдірахманов қызметінен босатылды
20:10, 02 Тамыз 2022
АЛМАТЫ. ҚазАқпарат – Алматы қаласы полиция департаменті бастығының орынбасары Рүстам Әбдірахманов қызметінен босатылды. Бұл туралы ол Facebook-тегі парақшасында жазды, деп хабарлайды ҚазАқпарат тілшісі.
«Ішкі істер министрінің бұйрығымен Алматы облысы полиция департаменті бастығының тергеу жұмыстары жөніндегі орынбасары қызметіне тағайындалдым. Бұл қызмет мен үшін жаңалық емес, ал аймақ – ерекше, әсіресе үйім, алаңсыз балалық шағым және мектеп осы жермен байланыстырады. Ведомство басшылығының бұл сенімі мен үшін азаматтардың конституциялық құқықтарын қорғауда, әділеттілікті қалпына келтіруде және қылмыспен күресте жаңа мүмкіндіктер ашады», - деп жазды ол.
Сонымен қатар, бұл – кәсіби өсіп-өнуінің жаңа кезеңі екенін атап өтті.
Фото: gov.kz