+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Алматы перзентханасында жаңа туған нәресте көз жұмды

2020 жылғы 20 қараша 19:15
Бөлісіңіз:
Алматы перзентханасында жаңа туған нәресте көз жұмды

АЛМАТЫ. ҚазАқпарат - Алматыда полицейлер жаңа туған нәрестенің өліміне қатысты тергеуді бастады, деп хабарлайды ҚазАқпарат тілшісі.

Facebook парақшада жарияланған видеода босанған әйелдің анасы қызының жүктілігі асқынусыз өткенін айтады. Ол дәрігерлердің тексеруіне уақытында барып жүрген. ПТР тестін де тапсырған.

«Түнгі сағат 1-де қызым бізге қоңырау шалып, баланың шетінеп кеткенін айтты. Оған баланы қолына ұстап, қоштасу үшін берген. Бізге нәрестенің денесін таңертең Қалқаман мәйітханасынан алып кету керек деді. Ертеңгісін біз мәйітханаға бардық, бірақ ол жерден баланың денесін таппадық. Оны алып кеткен екен. Біз оның денесін кесуге келісім берген жоқпыз. Біз полиция шақырдық. Мұның бәрін анықтағымыз келеді. Бала ай-күніне жетіп туды»,– дейді босанған әйелдің анасы.

Қалалық қоғамдық денсаулық сақтау басқармасы атап өткендей, Алматы қаласының 19 жастағы тұрғыны перзентханаға 2020 жылдың 18 қарашасында түскен.

«Ана мен балаға қажетті барлық медициналық көмек көрсетілді. Қарқынды терапия мен реанимация шараларына қарамастан, жаңа туған нәресте 19 қараша күні шетінеп кетті», - деп түсіндірді басқармадағылар.

Баланың өліміне қатысты қызметтік тергеу жүріп жатыр.

Сондай-ақ, Алматы қаласы Бостандық ауданының полиция басқармасы тергеу шараларын бастады.


Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT