01:30, 20 Ақпан 2021 | GMT +6
«Алматы-Өскемен» тасжолында көлік қозғалысы шектелді
ӨСКЕМЕН. ҚазАқпарат – «Алматы-Өскемен» тасжолында жүк көліктері мен автобустардың қозғалысына шектеу қойылды, деп хабарлайды ҚазАқпарат тілшісі.
ҚР Индустрия және инфрақұрылымдық даму министрлігінің ресми Telegram каналында жарияланған мәліметке сүйенсек, 19 ақпанда сағат 21:10-нан бастап Шығыс Қазақстан облысында ауа райының нашарлауына, нақты айтқанда көктайғақ пен қарлы боранға байланысты «Алматы-Өскемен» тасжолының 778-967 шақырымында және «Аягөз-Қалбатау» тасжолының 971-1068 шақырымында жүк көліктері мен автобустардың қозғалысы шектелді.
Осы ретте, облыстық Төтенше жағдайлар департаменті тұрғындарға алыс сапарға шықпауға, жолдардың жай-күйін «Дәрмен» мобильді қосымшасы арқылы тексеріп отыруға кеңес береді.
Естеріңізге сала кетсек, осыған дейін Шығыс Қазақстанда ауа райының нашарлауына байланысты бірқатар тасжолдың жабылғанын хабарлаған болатынбыз.