+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Алматы-Өскемен автожолында бес адам қаза тапты

2018 жылғы 11 сәуір 16:14
Бөлісіңіз:
Алматы-Өскемен автожолында бес адам қаза тапты

ҮРЖАР. ҚазАқпарат - Бүгін таңертең Алматы-Өскемен жолының 678-шақырымында ірі жол апатында бес адам қаза тапты, оның екеуі сәби, деп хабарлайды ҚазАқпарат тілшісі.

Үржар аудандық ІІБ Әкімшілік полиция бөлімінің аға инспекторы Айдар Саматеевтың сөзіне қарағанда, Үржар ауданына қарасты Қарақол ауылдық округінен Аягөзге бет алған «Ауди-80» автокөлігі Көкпекті ауданынан Шымкентке мал тиеп бара жатқан жүк көлігімен бетпе-бет соқтығысқан. Бастапқы болжам бойынша жүк көлігінің жүргізушісі рульде ұйықтап кеткен.

Жол апатынан бес адам жедел жәрдем жеткенше, оқиға орнында қаза тапты. Алдын ала мәлімет бойынша, оның екеуі - сәби. Біреуі - 2013 жылғы, екіншісі қырқынан жаңа шыққан нәресте. Екі адам жақын маңдағы Таскескен ауруханасына жеткізілді. Медицина қызметкерлерінің айтуынша, екеуінің жағдайы өте ауыр. Жеңіл көліктегілер - Үржар ауданына қарасты Қарақол ауылының тұрғындары.

Үржар орталық аурухана директорының орынбасары Бейбіт Ғабдуллиннің айтуынша, аудан орталығынан Таскескенге дәрігерлер тобы аттанған. Медициналық мамандар аман қалғандардың өмірін сақтап қалу үшін барын салуда.

Біздің каналымызға жазылыңыз:

Бөлісіңіз:

Автор:

Зухра Нұржанқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT