Алматы орталық клиникалық ауруханасында жатқан үш науқастан АИТВ анықталды

АЛМАТЫ. ҚазАқпарт - Алматы қалалық орталық клиникалық ауруханасында жатқан 3 науқастан адамның иммундық тапшылық вирусы анықталды. Осыған байланысты ауруханада жоспардан тыс тексеру жүрді, деп хабарлайды ҚазАқпарат тілшісі.

АИТВ белгілері бар үш науқасты Алматы қалалық ЖИТС орталығының мамандары анықтады. Айта кетсек, Денсаулық сақтау министрлігінің 2020 жылғы 20 қазандағы №140/2020 бұйрығына сәйкес реанимация бөлімінде гемотрансфузия алған пациенттер 30 күннен кейін АИТВ-инфекциясына бақылау талдауынан өтуге міндетті.

«Анықталған фактілер негізінде Қоғамдық денсаулық сақтау басқармасының бұйрығы бойынша 2 маусымда Қоғамдық денсаулық сақтау басқармасы басшысы орынбасарының төрағалығымен және Алматы қаласы ЖИТС орталығы қызметкерлерінің мүшелігімен комиссия құрылды. Комиссия АИТВ инфекциясының берілу көздерін анықтау бойынша ішкі тергеу жүргізді, донорлар, медицина қызметкерлері және байланысқан адамдар тексерілді», - деп хабарлады қалалық әкімдіктен.

Комиссия жұмысының қорытындысы бойынша зерттелгендердің барлығынан инфекция анықталған жоқ. Сынамалар теріс нәтиже көрсетті.

«Қазақстан Республикасы Денсаулық сақтау министрлігінің 26.10.2020 жылғы №153 бұйрығы негізінде Қоғамдық денсаулық сақтау басқармасы 13 маусымда комиссия қорытындысын Алматы қаласының санитарлық-эпидемиологиялық бақылау департаментіне (ССЭК) берді. 14 маусымда ДСЭГ ҚР ДСМ Қазақ Дерматология және жұқпалы аурулар ғылыми орталығының мамандарын тарта отырып, ОҚКБ-ны жоспардан тыс тексеруге бастамашы болды», - деп атап өтті әкімдіктен.

Тексеру нәтижелері бойынша уәкілетті органдар тиісті шаралар қабылдайды.