Алматы облысының таулы өзендерінде сел жүру қаупі бар

АЛМАТЫ. ҚазАқпарат - Тамыздың 16-17 күндері Алматы облысының таулы өзендерінде сел жүру қаупі бар. Бұл туралы Алматы қалалық «Құтқару қызметі» МКК хабарлады.

«Қазгидромет» РМК болжамына сәйкес, сенбі-жексенбі күндері Алматы облысында жауын-шашын мол түсуі мүмкін. Қалалық Төтенше жағдайлар департаменті қала мен қалаға жақын аудан тұрғындарына тауға шыққан кезде қауіпсіздік шараларын сақтауды ескертеді.