Қолданушы баптаулары
Қолданушы баптаулары
+7 (701) 759 90 19 Лента
USD 379.01 EUR 423.24
RUB 5.90 CNY 54.92
Jańalyqtar

Алматы облысының тауларында ресейлік турист мерт болды: Тағы 7-еуі іздестірілуде

2018 жылғы 11 маусым 10:31 335
Бөлісіңіз:
Алматы облысының тауларында ресейлік турист мерт болды: Тағы 7-еуі іздестірілуде

АСТАНА. ҚазАқпарат - Алматы облысында тауға демалуға шыққан ресейлік туристерді құтқару жұмыстары қолға алынды. ҚР ІІМ Төтенше жағдайлар комитетінің ресми өкілі Руслан Иманқұлов мәлім еткендей, олардың бірі мерт болған, деп хабарлайды ҚазАқпарат тілшісі.

Белгілі болып отырғандай, сегіз турист - Ресей Федерациясының азаматтары. Жүзу жабдығымен таулы аймақтағы Ақсу өзенімен қозғалған олардың бірі суға батып кеткен.

«Қолда бар ақпаратқа сәйкес, туристер Алматы облысындағы жедел-құтқару жасағының ресми тіркеуінен өтпеген. Қазіргі уақытта туристерді аңғардан жоғары шығару бойынша жұмыстар жүргізіліп жатыр. Хабарлама 10 маусым күні кешкі сағат сегізден кейін түсті. Құтқарушылар шақырылған орынға бірден шықты», - деп атап өтті ресми өкіл.

Қайғылы жағдай Талдықорған қаласынан 120 шақырым жерде тіркелген. Құтқарушылар Ақсу ауданына түнгі сағат бірде ғана жеткен.

«Құтқарушылардың жұмысына таулы аймақта қозғалудың күрделілігі мен байланыстың жоқтығы кедергі келтіруде», - деді Р.Иманқұлов.

Құтқарушылар туристерге таулы аймаққа шыққан кезде міндетті түрде ресми инстанцияларға - ТЖ комитетінің аумақтық бөлімшесінің жедел-құтқару отрядына хабар беру керектігін ескертеді.

 

 

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT