Алматы облысының Іле ауданында 8 мыңнан астам оқушы суық сыныптарда білім алуда

ТАЛДЫҚОРҒАН. ҚазАқпарат - Іле ауданының прокуратурасы қадағалау ауданының аумағында орналасқан мектепке дейінгі және орта білім беру мекемелерінде температуралық режімнің сақталуын тексерді.

Өткізілген тексерістің қорытындылары бойынша температуралық режім сақталмаған жеті мектеп анықталды. Бұларда 8 250 оқушы білім алуда.

Қазіргі уақытта Іле ауданының прокуратурасы бұзылған заңдылықты жою бойынша тиісті шаралар қабылдауда.