+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Алматы облысының Балқаш ауданында халық санағы елден бұрын аяқталды

2021 жылғы 22 қазан 20:15
Бөлісіңіз:
Алматы облысының Балқаш ауданында халық санағы елден бұрын аяқталды

БАЛҚАШ. ҚазАқпарат - Алматы облысының Балқаш ауданында халық санағы аясындағы жұмыстар мәресіне жетті, деп хабарлайды ҚазАқпарат Ұлттық статистика бюросына сілтеме жасап.

1 тамыздағы жағдай бойынша мұнда 29791 адам тұрған.

Барлық үйлерді аралау және онлайн санақ өткізу нәтижесінде мұндағы тұрғындар саны 29 796 (100,02%) құрады.

Оның 24286-сы санаққа онлайн қатысса, 5510-ы интервьюерлердің сауалдарына жауап қатты. Сауалнама жүргізуге 30 санақшы жұмылдырылған болатын.

Айта кетейік, өңірде санақ жұмыстары белсенді жүріп жатыр. Мұнда тағы бір ауданда жақын арада шара мерзімінен бұрын аяқталады деп күтілуде.

Атап айтқанда, Сарқан ауданында санақпен қамтылғандар үлесі 96 процентке жуықтаған.

Естеріңізге сала кетейік, санақ сауалдарына жауап берудің екі әдісі қарастырылған.

Өзіңізге ыңғайлы уақытта sanaq.gov.kz сайты, E-gov порталы немесе Aitu мобильді қосымшасы арқылы сауалдарға жауап беру мүмкіндігі бар.

Сондай-ақ, 1 қазаннан бастап интервьюерлер үйлерді аралауда.

Ұлттық статистика бюросы белсенділік танытқан азаматтарға алғыс айта отырып, шараға атсалысуға шақырады.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT