Алматы облысындағы сарбаз қаза болған жерде түсірілген видео жарияланды
2022 жылғы 10 тамыз 14:20

Алматы облысындағы сарбаз қаза болған жерде түсірілген видео жарияланды

АЛМАТЫ. ҚазАқпарат – ҚР Ұлттық ұланы «Оңтүстік» өңірлік қолбасшылығының баспасөз қызметі Алматы облысында қатты дауыл кезінде ұлттық гвардия мерзімді қызметінің әскери қызметшісі жазатайым жағдайда қаза болған жерде түсірілген видеоны жариялады, деп хабарлайды ҚазАқпарат тілшісі.

9 тамызда кешкі уақытта қатты дауыл көтеріліп, сарбаздар орналасқан шатыр қалашығы бүліне бастаған. Қатардағы жауынгер әріптестерін қауіпсіз жерге көшіруге көмектесіп, соңынан шығып келе жатқанда шатырдың темір жақтауы құлап, басынан соққы алады .

Сарбазға жедел медициналық көмек көрсетіліп, санитарлық көлікпен Қонаев қаласындағы қалалық ауруханаға жеткізілген. Кейіннен қалалық аурухана дәрігерлері сарбаздың қайтыс болғанын айтты.

Жауынгерлік дайындық жоспарына сәйкес 5571 әскери бөлімінің 1 жедел мақсаттағы батальонының жеке құрамы 8-13 тамыз аралығында 5574 әскери бөлімінің оқу орталығында далалық жаттығуда болған.

19 жастағы сарбаз Ұлттық ұлан қатарына биылғы көктемде Ақмола облысы Көкшетау қалалық Қорғаныс істері жөніндегі департаментінен шақырылған.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT