Алматы облысында жыр алыбы Жамбылға ескерткіш орнатылды

None
None
ТАЛДЫҚОРАН. ҚазАқпарат - Алматы облысы Жамбыл ауданының орталығы Ұзынағаш ауылында «Рухани жаңғыру» бағдарламасы шеңберінде жыршы, жырау Жамбыл Жабаевтың еңселі ескерткіші ашылды, деп хабарлайды ҚазАқпарат Алматы облыс әкімінің баспасөз қызметіне сілтеме жасап.

Ескерткіштің ашылу салтанатына облыс әкімі Амандық Баталов, аудан жұртшылығы мен ардагерлер қатысты.

«Рухани жаңғыру» бағдарламасы аясында жастарға үлгі боларлық үлкен жұмыстар атқарылуда. Бүгін ұлы бабамыз, мақтанышымыз - Жамбыл ақынның еңселі ескерткіші меценаттардың қолдауымен, Әскербек Абаев ағамыз бастаған азаматтардың ұйытқы болуымен ашылды. Осындай ескерткішті ең алдымен Астана қаласында, кейін Киевте, Белградта орнаттық. Бүгін, міне, демеушілердің көмегімен игі іс Жамбыл ауданында жалғасып отыр. Елбасының «Рухани жаңғыру» бағдарламасы осындай игі істерге үлкен серпін берді. Қарасай, Алакөл аудандарында, Талдықорғанда осы бағытта ірі-ірі жобалар қолға алынып жатыр. Оның ішінде дене шынықтыру - сауықтыру кешендері, олимпиадалық стандартпен салынатын бассейн, жеңіл атлетика манежі сияқты спорт нысандары бар. Мұндай бастамалар барлық ауданда атқарыла бастады. Жуырда облысқа келген сапарында Елбасымыз өңірдегі атқарылып жатқан істерге оң баға берді. Осы берілген бағада Жамбыл ауданы халқының үлесі зор деп білемін», - деді өңір әкімі.
null

Сонымен қатар облыс басшысы өз сөзінде ауылдың жолдарын жөндеуге, абаттандыруға қолдау көрсетіліп отырғанын да тілге тиек етті. Мұнан соң «Туған жерге тағзым» қорының төрағасы Әскербек Абаев сөз алды.

«Ауданның Қастек ауданы болып құрылғанына 90 жыл, Жамбыл атауы берілгеніне 80 жыл толып отыр. Осы мерейлі датаға орай аудан орталығына Жамбыл баба ескерткішін орнату туралы көпшілік бастама көтерді, аудандық мәслихат депутаттары ұсыныс айтып, бұл ұсыныс облыс басшысы тарапынан қолдау тапты. Сөйтіп «Туған жерге тағзым» қоры құрылды. Қорға қаржы жинақтап, осы ескерткіштің ашылуына ұйытқы болған азаматтарға, қолдау білдірген облыс басшылығына алғыс айтамын»,- деді Ә.Абаев.

Осы мазмұндас ізгі тілегін тұңғыш Олимпиада чемпионы, кәсіпкер Жақсылық Үшкемпіров те арнады. Құттықтау тілектерден соң ескерткіштің жабуы ашылып, шашу шашылды. Салтанат аудан өнерпаздарының концертіне ұласты.

Ақынның қолына домбыра ұстаған ескерткішінің авторы - Қазбек Жарылғапов. Қола мүсін «Туған жерге тағзым» қоғамдық қорына жинақталған қаржыға тұрғызылды. «Ақындар мен батырлар елі» паркімен бірге тұтас кешенді құрап тұрған ескерткіш Ұзынағаштың кіре берісінде орнатылған. Бұл парктің құрылысын «Арнайы құрылыс компаниясы» ЖШС жүргізіп, бұл жұмыстарға қордың 60,4 млн теңгеге жуық қаржысы жұмсалған.

Соңғы жаңалықтар