17:27, 16 Қаңтар 2017 | GMT +6
Алматы облысында жоғалып кеткен оқушы жалдамалы пәтерден табылды
ТАЛДЫҚОРҒАН. ҚазАқпарат - Алматы облысында жоғалып кеткен оқушы жалдамалы пәтерден табылды. Қазір 16 жастағы Көксу ауданының тұрғыны ата-анасына оралды, деп хабарлайды ҚазАқпарат тілшісі.
Жоғарғы сынып оқушысының хабар-ошарсыз кеткендігі жөнінде арыз 10 қаңтар күні түскен. Қыздың ата-анасы Көксу аудандық ІІБ жүгінген. Артынша жедел ұйымдастыру шарасы ұйымдастырылып, қыз аман-есен табылды. Мектеп оқушысы Талдықорған қаласындағы жалдамалы пәтердің бірінде болған.Ол өзінің сүйіктісіне қашып кеткені анықталды. Облыстық ІІД қызметінің мәліметінше, жасөспірімнің жағдайы жақсы. Аман-есен ата-анасына жеткізілді.
Полицейлер қыздың ата-анасымен сұхбаттасты. Ювиналды полиция тарапынан бойжеткеннің үйден қашып кету жағдайына баса назар аударылды.