12:42, 06 Қаңтар 2016 | GMT +6
Алматы облысында Өзбекстанның 10 азаматы ыстан уланды
АЛМАТЫ. ҚазАқпарат - Алматы облысы Қарасай ауданы Тұрар ауылында 10 Өзбекстан азаматы ыстан уланды. Бұл туралы облыстық ТЖД баспасөз хатшысы Азамат Жұртбаев хабарлады.
Өрт сөндірушілер оқиға орнына жеткенше 3 ересек адам мен 2 бала сол жерде жан тәсілім етті. Қалған 5 адам Қаскелең аудандық орталық ауруханасына жатқызылды.
Баспасөз хатшысының айтуынша, жүргізілген профилактикалық шараларға қарамастан ыстан улану жағдайы жиі кездесуде.
2015 жылы 300 000-ға жуық үйге ескерту жаднамасы таратылды. Миллионға жуық адамға қауіпсіздік шаралары мен пешті пайдалану ережесі түсіндірілді.