Алматы облысында ойнап жүрген бала құдыққа құлап мерт болды

НҰР-СҰЛТАН. ҚазАқпарат – Алматы облысында 8 жастағы бала абайсызда құдыққа құлап қаза болды, деп хабарлайды ҚазАқпарат ТЖД баспасөз қызметіне сілтеме жасап.

Ұқсас жаңалықтар

Оралда бес қабатты үйдегі өрттен 25 адам эвакуацияланды

Қостанай облысында тұрғын үй өртеніп, екі адам қаза болды Жамбыл облысында өрт сөндіруші бейтаныс әйелді ажалдан аман алып қалды Ақмола облысында өрт шыққан пәтерден мүгедек әйел құтқарылды

«19 қаңтар күні сағат 17:10-да Алматы облысының ТЖ департаментіне 2012 жылы туған ұл бала сағат 15:40 шамасында Жамбыл ауданы Ақтерек ауылының шетінде ойнап жүріп, өзінің абайсыздығынан суы бар ашық құдыққа (ескі сумен жабдықтау жүйесі, жұмыс істемейді, қақпағы жоқ, тереңдігі 2 метр) құлап, оқиға орнында көз жұмғаны туралы мәлім етілген» делінген хабарламада.

Оқиға орнына «Тарғап» ҚР ІІМ ТЖК Апаттар медицинасы орталығының трассалық-медициналық құтқару, Алматы облысының ТЖД, Жамбыл ауданының РОП қызметкерлері шұғыл жеткен.

ҚР ІІМ ТЖК ата-аналарды балалардың қауіпсіздігіне бей-жай қарамауға, оларды қараусыз қалдырмауға шақырады.