+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Алматы облысында округ әкімдерін сайлауға 220 мыңнан астам адам қатысады

2021 жылғы 8 шілде 14:55
Бөлісіңіз:
Алматы облысында округ әкімдерін сайлауға 220 мыңнан астам адам қатысады

ТАЛДЫҚОРҒАН. ҚазАқпарат - Алматы облысындағы ауылдық округ әкімдерінің сайлауына 220 мыңнан астам адам қатысады, - деп хабарлайды ҚазАқпарат тілшісі.

Ұқсас жаңалықтар
Өзбекстандағы сайлау: 71,8 процент сайлаушы дауыс берді Алматы облысындада көлік салонынан әуеге оқ атқан бұзақы ұсталды Өзбекстанда Президент сайлауы өтті деп танылды

Қазақстан Президенті сайлау заңнамасына енгізілген түзетулерге қол қойды. Оған сәйкес аудандық маңызы бар қалалардың, кенттердің, ауылдардың және ауылдық округтердің әкімдері тікелей сайлау арқылы сайланатын болады. Ауыл әкімдерін сайлау 2021 жылдың 25 шілдесінде өтеді. Алматы облысында жұмыстар басталып кетті. Сайлау науқаны аймақтың 71 округінде өтеді.

Ақсу ауданы бойынша 9 әкім, Алакөл – 8, Балқаш - 6, Еңбекшіқазақ – 10, Ескелді – 1, Жамбыл – 2, Іле – 1, Қарасай – 1, Қаратал – 2, Кеген – 5, Кербұлақ – 4, Көксу - 4, Панфилов - 4, Сарқан - 3, Талғар-4, Ұйғыр-6, Текелі қаласы-1 сайланатын болады. Райымбек ауданында, Талдықорған және Қапшағай қалаларында бос округтердің болмауына байланысты ауылдық округ әкімдерін сайлау өткізілмейді.

Бүгінгі күні әкімдікке 243 кандидат ұсынылды, оның ішінде 167 - өзін - өзі ұсынған, 57 - кандидатты «Nur Otan» партиясы, 13 – «Адал» партиясы, 3 – «Ауыл» ХДПП, 3-ҒПК ұсынды.

Кандидаттардың арасында мемлекеттік қызметшілер, коммерциялық құрылымдардың өкілдері, бюджеттік ұйымдардың қызметкерлері, уақытша жұмыс істемейтін қоғамдық бірлестіктердің қызметкерлері және басқалар бар.

Облыстың аумақтық сайлау комиссиялары 188 кандидаттың қойылатын талаптарға сәйкестігін анықтады, 9 кандидат сәйкес келмейді. Бүгінгі таңда бір адам өз кандидатурасын алып тастады.

Сайлауға 220 мыңнан астам адам қатысуды жоспарлап отыр. Барлығы 17 аумақтық және 198 учаскелік сайлау комиссиялары, 1451 сайлау комиссияларының мүшелері жұмылдырылды.

Естеріңізге сала кетейік, әкімдікке кандидаттарды ұсыну 9 шілдеге дейін аяқталады. Кандидаттарды тіркеу 14 шілде күні сағат 18.00-ге дейін жалғасады.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT