+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Алматы облысында мұғалімді оқушының ата-анасы ұрып кетті

2018 жылғы 17 қаңтар 23:33
Бөлісіңіз:
Алматы облысында мұғалімді оқушының ата-анасы ұрып кетті

ТАЛДЫҚОРҒАН.ҚазАқпарат - Алматы облысында мұғалімді ата-ана кабинетіне іздеп келіп, соққыға жықты. Оқиға Іле ауданының Боралдай ауылындағы Кенен Әзірбаев атындағы орта мектепте болған, деп хабарлайды ҚазАқпарат тілшісі.

Істің насырға шабуына оқушы себеп болған. 6-шы сыныптың баласы үйіне мұғалім ұрды деп шағымданып барған. Ал мәселенің ақ-қарасын анықтамаған жеткіншектің анасы мен әпкесі мектепке келіп, мұғалімді соққыға жыққан. Қазір таяқ жеген ұстаз Боралдайдағы ауруханада жатыр.

Дәрігердің айтуынша, жәбірленуші маман бас ми жарақатын алған. Тіпті белгісіз біреулердің әріптесін ұрып жатқанын көріп, көмекке келген екінші мұғалім де таяқ жеген. Ол қолын жарақаттап алған. Ал баланың ата-анасы түсінік беруден бас тартты. Ұстаздың әріптестері болса тәжірибелі маманның ерсі мінез көрсетуі мүмкін емес дейді.

«Дөрекі сөйлеу, қол көтеру мүмкін емес. Ол кісінің табиғатында ондай жағымсыз қылық жоқ. Ол мұғалімнің қолынан ондай нәрсе келмейді», дейді №15 К.Әзірбаев атындағы орта мектеп директорының орынбасары Арман Сүлейменова.

Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT