+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Алматы облысында маралдарды атқан күдікті 5 жылға дейін сотталуы мүмкін

2019 жылғы 12 қыркүйек 17:11
Бөлісіңіз:
Алматы облысында маралдарды атқан күдікті 5 жылға дейін сотталуы мүмкін

ТАЛДЫҚОРҒАН. ҚазАқпарат - Алматы облысында 4 маралды атқан күдікті бес жылға дейін сотталуы мүмкін. Қазір «Toyota Hilux Surf» көлігін тізгіндеген жүргізуші ұсталып, оның көлігінің тіркемесінен 4 маралдың өлі денесі табылды, деп хабарлайды ҚазАқпарат тілшісі.

Оқиға Еңбекшіқазақ ауданына қарасты Екпінді ауылының маңында болған. Арнайы рейд кезінде ұсталған азамат бастапқыда қашып құтылуға әрекеттеніп, артынша көлігімен аударылған. Анықталғандай, ол мас күйінде болған.

Қазір ҚР Қылмыстық кодексінің 337-бабы 4-бөлігімен яғни, заңсыз аң аулау бойынша іс қозғалып, тергеу жүріп жатыр.

Ал Алматы облыстық Полиция департаментінің ақпаратына сәйкес, маралдарды заңсыз атқан күдікті мемлекетке 7 млн теңгеден астам шығын келтірген. Енді ол 12 млн теңгеге жуық айыппұл төлейді немесе бас бостандығынан айырылуы мүмкін.

«Аталған әрекеті үшін кінәлі тұлғаларға 5 мың АЕК мөлшерінде айыппұл салынуы ықтимал. Немесе 5 жылға құқығын шектеу немесе тура сол мерзімге бас бостандығынан айыру жазасы қолданылуы мүмкін. Тергеу барысында заңсыз аң аулаған өзге де тұлғаларды анықтау шаралары қабылданады», - деді Алматы облыстық Полиция департаменті баспасөз қызметінің өкілі Серік Үпиев.


Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT