+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алматы облысында мал ұрыларымен күрес басталды

2020 жылғы 20 мамыр 06:00
Бөлісіңіз:
Алматы облысында мал ұрыларымен күрес басталды

ТАЛДЫҚОРҒАН. ҚазАқпарат - Алматы облысында «Мал ұрлығы» жедел алдын алу іс-шарасы жүргізілуде, деп хабарлайды ҚазАқпарат тілшісі.

Алматы облыстық Полиция департаменті баспасөз қызметінің мәліметінше, алдын алу және мал ұрлығына қатысы бар тұлғаларды анықтау, сондай-ақ осыған ұқсас қылмыстардың орын алуына жағдай жасайтын себептерді жою мақсатында Алматы облысы аумағында 18 мамырдан бастап «Мал ұрлығы» жедел алдын алу іс-шарасы жүргізілуде.

Іс-шара барысында облыс аумағында осындай ұрлықтың 7 дерегі тіркеліп, олардың барлығы кезекші тәулік ішінде ашылды. Сонымен қатар, тәртіп сақшылары бұған дейін жасалған мал ұрлығына қатысты 12 қылмысты әшкере қылды. Қолды болған 8 бас мал табылып, заңды иелеріне қайтарлды. Мал ұрлығын кәсіп қылды деген күдікпен 20 күдікті тұлға ұсталып, 3 қылмыстық топтың жолы кесілді. Іс-шара барысында 24 ет және мал өнімдерін сату орындары тексерілді. 58 шаруа қожалығы мен қыстақтар тексеріліп, малдың қауіпсізідгін қамтамасыз ету бойынша түсіндіру жұмыстары жүргізілді. Мал және ет өнімдерін тасымалдаушылардың 6 көлігі тексерілді.

Облыстық полицейлер аталған қылмыстың алдын алуға бағытталған арнайы шаралар тұрақты түрде өткізілетінін атап өтті.

Өз кезегінде, тәртіп сақшылары мал ұрлығын болдырмау үшін төрт түлікті қараусыз жібермеуге, мал қораларда қауіпсіздік шараларын күшейтуге, ал қолды болған жағдайда шұғыл полицияға хабар беруге кеңес берді. Өйткені, уақыт өтіп кетсе, барымташыларды анықтау қиынға түсетіні анық.

Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT